Hello world

Mir hei, nachdäm mir au die Fescht, Feriä, Barbecues u Openairbsüech hinger üs bracht hei, wider mau zumä normalä Uebigsrhythmus gfundä. Dä summer hani ohni ei Sunnäbrand über Bühni bracht, wärum äch, isch doch ou was, nid? Scho gli geits widermau uf d Bühni ga los brättärä. Mir fröiä üs, obwou mir aui no chli summermüdigkeit i üsnä Knöchä hei u nis no gar nid so rächt chöi ufmuntärä. Jedoch mit nöiä Songs geits im Schnäuzugstempo vorwärts. Wow, mir schprudlä förmläch vo nöiä Ideä u mit derä Truppä, da fägts Songwriting u mir chöi bim Uebä fasch nüm hörä. Mit äm Motto: "Was isch für Zyt? Du mir hei scho wider haubi zwöi. Ou shit söt morn früe uf". Ja holy, so geits fasch jedäs mau. Was söus? Penne chöi mer de no gnue, we mer de "Six feet under" si.

Jou üsi nöiä Songs, definitiv wirds schneuer herter u schwiriger. U Tom schüttlet di Textä numä so zum Ermu us u vorauäm mit megageilem Inhaut u di Schtimm. Eifach Hammer. Mau nid numä Love and Crime. You are great babe. Seewerus Mc Groove Phippu brätteret Doublebase Beats, dass äs nüm schön isch. U ig, ja ig, hmmmm.... ja ig versuechä mit denä Mastas Schritt zhautä u mi ou schteigerä. Ig gloubä, ou ig chanä chlinä Teil bitragä. Ig dökterle am Gitarrä Aemps u Sound umä. Im Momänt schpili glichzytig zwe Amps. Das isch eifäch Megageil dä Sound. (Mesa Recti meets Peavey 5150). I schpinnä i know. Was söus, angeri choufä sech türi chärä u gö jede Samschtig morgä id Wöschalag drmit.

So ig söt no chli büglä...................So long R